Жніво настае, а не ўсе камбайны гатовы

Хутка бяжыць час. Здаецца, яшчэ зусім нядаўна ў полі працавалі сейбіты, а ўжо радуе вока поле з буйна налітымі зернем каласамі. Віды на ўраджай сёлета добрыя амаль паўсюдна. Пачынаецца завяршальны этап барацьбы хлебаробаў за вялікі хлеб — жніво. Як у сціслыя тэрміны і без страт яго правесці? Такое пытанне было галоўным на чарговай абласной селектарнай нарадзе, якую вёў першы намеснік старшыні аблвыканкама А. А. Бяляеў.Аб гатоўнасці да важнай кампаніі рапартавалі літаральна ўсе кіраўнікі сельскагаспадарчых раёнаў вобласці. Гаварылі ўпэўнена, што за час, які прайшоў ад мінулай селектарнай нарады, многае зроблена па падрыхтоўцы збожжавых камбайнаў, сушыльнай гаспадаркі і складскіх памяшканняў. Зрухі сапраўды