Карэнная жыхарка вёскі Мохаў Лоеўскага раёна Матрона Афанасенка – захавальніца скарбонкі фальклорнага багацця сваёй вёскі і рэгіёна

Хату гэтай жанчыны на стромкай дняпроўскай тэрасе ведае амаль увесь навуковы свет, беларускі, канешне. Шмат гадоў фалькларысты, лінгвісты, этнографы, студэнты ехалі да яе, каб пачуць мову, запісаць песні і паданні, прыказкі і прымаўкі, духоўныя вершы. І яна заўсёды гасцінна запрашала ў хату.