У Гомельскай абласной бібліятэцы пачала працу выстава з фондаў Дзяржаўнага літаратурнага музея Янкі Купалы

Выстава «Жыву я ў сваім родным краі» праходзіць у рамках святкавання 140-гадовага юбілею Янкі Купалы і 100-годдзя зборніка «Спадчына». Экспазіцыя прадстаўляе ранні перыяд жыцця і творчасці Янкі Купалы – час напісання твораў, якія склалі яго «зорныя» зборнікі «Жалейка», «Гусляр», «Шляхам жыцця» і «Спадчына». Усе яны звязаныя з трыма знакавымі мясцінамі ў біяграфіі паэта – Яхімоўшчынай, Пецярбургам і Мінскам.