Ад Вербніцы да Спаса

Сведчаннем комплекснага вывучэння духоўнай культуры краю стаў нядаўні семінар кіраўнікоў клубных устаноў і бібліятэк раёна з удзелам вядучых спецыялістаў па традыцыйных святах і абрадах. Ва Урыцкім рэгіянальным цэнтры культуры і адпачынку ўдзельнікамі мастацкай самадзейнасці з сямі вёсак былі бліскуча ўзноўлены Соракі, Вербніца, Ушэсце, Спас і іншыя святы народнага календара. А завяршыўся гэты самабытны вяночак народнай творчасці беларускім вяселлем. Арганізатар семінара — аддзел культуры Гомельскага райвыканкама — творча ўвасобіў сцэнарый, прысвечаны Году роднай зямлі.