Імпрэза адбылася на гарадскім стадыёне каля рэчкі Нератоўка.
Святкавалі Купалле з імпэтам і натхненнем. Усіх віталі ў вышыванках удзельнікі калектываў народнай творчасці. Каларытнае выступленне прадставілі гледачам мясцовыя калектывы, а таксама госці з Нараўлянскага раёну.
Праграма была насычанай. Пакуль дзяўчаты плялі вянкі, бойка ішоў гандаль, працавалі атракцыёны, дзіцячыя гульнёвыя пляцоўкі. Можна было прыняць удзел у абрадавых гульнях, пусціць па вадзе вянкі, стаць назіральнікам вялікага купальскага вогнішча і адчуць сябе незвычайна шчаслівым ў вялікім святочным карагодзе ў асяроддзі тых , хто гэтак жа цэніць даўнія традыцыі, паданні і абрады.
