У сустрэчы прынялі ўдзел загадчык кафедры беларускай літаратуры, доктар філалагічных навук, прафесар Іван Штейнер, іншыя навукоўцы, магістранты і студэнты, якія даследуюць спадчыну слыннага земляка, а таксама рэктар універсітэта Сяргей Хахомаў.
У фармаце «анлайн» далучыліся дачка пісьменніка доктар філалагічных навук, прафесар Таццяна Шамякіна і старшыня Саюза пісьменнікаў Беларусі Аляксандр Карлюкевіч.
Удзельнікі круглага стала абмеркавалі, як у сучасным глабалізаваным свеце, пранікнутым лічбавымі тэхналогіямі і новымі медыйнымі фарматамі, захоўваецца каштоўнасць класічных літаратурных твораў. Неаднаразова падкрэслівалася, што творчасць Івана Шамякіна мае моцны маральны патэнцыял, так неабходны сёння.
