Сябар Чэхаву і Мендзялееву

У цэнтральнай бібліятэцы адбыліся традыцыйныя Кігнаўскія чытанні. У апошні час імя Уладзіміра Кігна, пісьменніка, публіцыста, дзяржаўнага і грамадскага дзеяча канца XIX — пачатку XX стагоддзяў гучыць усё часцей. Ён друкаваўся пад псеўданімам Дзедлаў — ад назвы вёскі Дзедлава на Рагачоўшчыне, дзе знаходзіўся радавы маёнтак пісьменніка. Творчая спадчына Уладзіміра Кігна налічвае 11 кніг і шмат публікацый у часопісах і газетах. Ён сябраваў з А. Чэхавым, Д. Мендзялеевым, І. Рэпіным і іншымі вядомымі людзьмі свайго часу.