Эх, Калядкі, бліны і аладкі!

З глыбінi вякоў дайшло да нашых дзён свята Калядаў і звязаны з ім вясёлы абрад. Ішлі калядоўшчыкі па вясковых вуліцах, у вокны стукалі, песні спявалі ды руплівых гаспадароў славілі. А тыя радаваліся, што ў іх двор Каза-дзераза завітала, здароўя ды сямейнага шчасця пажадала...Калядуюць у розных мясцінах па-рознаму, але аднолькава весела, з гумарам, каларытнымі прыпеўкамі. Напрыклад, жыхары вёскі Урыцкае, што ў Гомельскім раёне, штогод з задавальненнем сустракаюць падчас Калядаў сваіх аднавяскоўцаў — самадзейных артыстаў. Народны клуб аматараў нацыянальнай культуры “Скарбніца” Урыцкага рэгіянальнага цэнтра, якім кіруе Галіна Коваль, аб’яднаў каля 25 чалавек — ад школьнікаў да пенсіянераў. Яны адрадзілі многія абрадавыя святы