Сцяпы. Вандроўка семдзесят сёмая

Жыццё восеньскай вёскі, вядома ж, зранку найбольш ажыўленае каля праўлення сельгаспрадпрыемства. Сцяпы Жлобінскага раёна не выключэнне. Сустрэла тут некалькіх жанчын, а аграном Наталля Барадзіна (працуе 32 гады) паведаміла: сельгасугоддзяў у іх 6550 гектараў, бал ворыва – 28. Утрымліваюць 4100 буйной рагатай жывёлы, з якой 1,5 тысячы дойнага статка. «У нас так: раслінаводства працуе на жывёлагадоўлю», – падзялілася Наталля Міхайлаўна.