Усход. Лоеўскі раён

Вёска з такой светлай назвай заснавана ў пачатку 1920-х гадоў перасяленцамі з земляў былых памешчыкаў. У 1930-м тут арганізаваны калгас «Іскра ўсходу». Цікава, што ў той перыяд на Лоеўшчыне з’яўляліся вёскі з адметнымі назвамі, напрыклад, Марс, Венера, Рэкорд... У вёсцы Усход працавалі крупадзёрка і кузня. У 1940 годзе тут жылі 286 чалавек. 13 усходаўцаў загінулі ў час Вялікай Айчыннай вайны. У 1959-м гэтыя землі былі ў складзе саўгаса «Дняпроўскі» з цэнтральнай сядзібай у вёсцы Пярэдзелка, цяпер Усход на тэрыторыі Страдубскага сельскага Савета. Яшчэ ў 1999 годзе тут было 26 падвор’яў і 42 жыхары. Зараз жывуць толькі шэсць чалавек.